pansamantalak: hiatus 2017

 

matagal na pala ang huling [post], at marami nang naganap pero sa sandaling ito, baka ang [alinlangan] ang mahalaga, pero hanggang kailan at paano kaya maiiwasang maging hungkag at baog ang pagdududa sa ginagawang pakikipagbuno sa panulat? hanggang kailan itong palaisipan at pagpapasyang magbubunsod muli ng palaisipan? (may sinulat si ivan [diyan] at [doon], kung saan nagpatianod ako para mabalikan and sinulat ni [levi] hinggil sa palihang, ano ba, utopian?). makailang-ulit ko na marahil nabanggit sa ilang pormal na panayam at impormal na kwentuhang nagtatampisaw ako sa mga institusyon at sa mga alternatibo dahil may dayalektika of some sort ang dalawa. perpetual atang pagkukunutan ito ng noo. o pagtatawanan nang, sana, kritikal (banta: walangyang plugz alert). kaya pinamagatang "Materials, for Preposterity" ang kolum, [fentanihilismo] ang unang ipinaksa. may isa o tatlong zine na naglalaro sa isip. sana masundan soon ang Apo sa ika-22 Siglo: Mga Abstrak (2017), bago matapos ang taon. kunsakali, baka magpatalasatas at magparamdam muli sa espasyong ito. muli, pabatid: baka [roon] muna mamalagi.

paghantong sa panimula

paligsahan na naman ng pagsulat sa social midya ng kani-kanyang year-end essay, pero dito ako sa munting sulok maglalahad ng kuru-kuro sa taong ito ng ungguyan. ito na marahil ang isa sa pinaka-produktibo kong taong magiging pamantayang mahirap mapantayan muli sa nagbabadyang taon, pero kailangang magsumikap upang mahigitan pa ang sarili. sarili lang naman ang mainam na maging pamantayan ng buhay at hindi ang iba; sa ganitong pagtingin, mapananatili ang pagiging tao: kung paano umunlad o umatras mula sa ipinapalagay na ideyal. nag-update ako ng cv, at sa tuwing ginagawa ito, hindi maiwasang sukatin ang pagkatao batay sa mga ginawa at hindi, nakumpleto at hindi, atpb. natanggap naman sa pinaghandaang aplikasyon at pinalad na matanggap sa posisyon. panibagong kabanata ang susunod na taon; ganito ang pakiramdam noong disyembre 2015. magliligpit na naman ng gamit at maglilipat ng kuta. umaasa sa pinakamainam, maghahanda sa pagsubok. tulad ng pag-ikli ng aking bionote at pagbawas ng isasamang detalye, gayundin ata ako sa blogging, o kung anumang tawag dito. baka mas lalong nananahimik at nagmamasid na lamang kapag tumatanda. baka nababago ang pokus mula sa sarili tungo sa iba. sana maging handa sa paparating na hamon. at sana walang nagbabasa at nagwawaldas ng oras sa espasyong ito. sa dami ng sinabi, parang wala naman akong nasabi sa kabila ng dami ng nais sabihing mga alalahanin sa pagdating sa teritoryong hindi pamilyar sa puntong ito.

mala-midyear 2016: nangyari, mangyayari

ikalawang entry itong iyong binabasa sa taong ito, at puro tungkol sa mga palihan at publikasyon ang lalamanin. kung nais ma-update sa kung anu-anong shit sa unang hati ng taon, magpatuloy sa pagbabasa. kung iba ang pakay maliban dito, move along, nothing to see here.

***

pambungad sa pagkakaisa

katapusan ng taong 2015, katuparan ng third impact. salamat at umatikabo naman kahit papaano ang taong ito, pakiramdam ko naging empleyado ako ng nerv. mula ang screenshot sa live fireworx ng end of evangelion. sabi ng seele, "the fate of destruction is the joy of rebirth." sa katapusang ito, may ipinahiwatig na naging iisa na ang mga tao at hindi mo na malaman kung nasaan ang katapusan mo at katapusan ko (absurdong pagkakaisang mala-bangungot?), pero muli ring bumalik sa dati (riyalidad na bangungot din naman kung tutuusin?). babalik sa wala ang lahat, sabi sa "come, sweet death," theme song ng palabas na ito. babalik sa wala ang lahat, bagong taon man o hindi.

mula sa bomabalabs, sumaglit tayo sa may relatibong mas malinaw na ipinahihiwatig: isang siglo na ang nakalipas nang irehistro ni Gramsci (1916) ang badtrip niya sa pagdiriwang ng bagong taon: "I would like every hour of my life to be new, though connected to the ones that have passed. No day of celebration with its mandatory collective rhythms, to share with all the strangers I don’t care about. Because our grandfathers’ grandfathers, and so on, celebrated, we too should feel the urge to celebrate. That is nauseating. // I await socialism for this reason too. Because it will hurl into the trash all of these dates which have no resonance in our spirit and, if it creates others, they will at least be our own, and not the ones we have to accept without reservations from our silly ancestors."

ilang gawain pa mula 2015 ang nagmumulto at binubuno hanggang sa mismong sandaling ito. hindi naman masama. ako lang ang masama sa pagdidisiplina sa sarili. dapat nang mapabuti ang pagdidisiplina dahil maraming bago sa taong ito, pero hindi lantarang ibabahagi, may bagong "kuta," bagong "opensiba," bagong "alyado," bagong "target," bagong "operasyon." pero bago itong mga bago, marami pang lumang dapat sentensyahan at tapusin. hanggang dito na muna ang litanya. magiging maayos ang lahat. wasak ang lahat, e. aayusin at wawasakin hanggang mas maging maayos.

likhaan lunsad-aklat, kathang kabilang

[source]

kinabukasan, ika-26 ng nobyembre, launch ng Likhaan. lumanding ang piyesang "Tuntunin," at babasahin ang ilang bahagi nito. alas-6 NG ang simula, sa executive house, unibersidad ng pilipinas diliman, lungsod ng quezon. baka o baka hindi magdala ng zines, DIY things. at sana madala rin ang sariling kailangan dalhin kahit ilang sa ganitong mga aktibidad na maraming tao. shy type. takits sa lahat.

the year from now is over - links

 

A Year From Now includes "its Motors in service." about the anthology, from the [page]: "a free online comics anthology coming out September 30, 2015 with Cozacana (Japan), Kevin Kilgore (USA/S.Korea) & Adam Pasion (USA/Japan), Tilde Acuña (Philippines), Sam Seen (Malaysia), Maaike Hartjes (The Netherlands), Kwon Yong-Deuk (S.Korea), Tommi Musturi (Finland), Tomas Kucerovsky (Czech Republic), RE Hartanto (Indonesia), Luna Beller-Tadiar (USA), Sheila RP (Indonesia), Marysia Wąsik (Poland), Danny Daos (Vietnam), Sao Sreymao (Cambodia), Shieko Reto (Malaysia);mixed and matched by Lyra Garcellano & Merv Espina.

"Here's the CBZ file: [A Year From Now]. How to read CBZ or CBR file? Just download a comic reader of your choice: ComicRack (Windows), MComix (Windows, Linux), SimpleComic (Mac), Comical (Mac), MangaMeeya (Windows), Astonishing Comic Reader (Chrome)."

(note: as of the moment, i haven't accessed the antho yet. will update this post from time to time. i managed to access the cbz file, but you have to fix some things to properly view my work, as the pages should be read as pairs, as spreads. anyway, i am thinking, i might release a print version soon, since there are errors with regard to the order of the pages. just check the fb page for further updates. update: please check the fb page and its links from time to time, some glitches and stuff are being fixed as we speak. issuu link works fine, i think. [read here])

Litrato mula sa ika-11 ng Setyembre*

Tumalon sila mula sa mga sahig na nasusunog—
isa, dalawa, kaunti pa,
taasan pa, babaan pa.

Pinahinto ng sila ng litrato sa hininga,
at ngayo'y pinananatili silang
nakaangat sa lupa patungo sa lupa.

Buo pa rin ang bawat isa,
may natatanging mukha
at nakakubli nang maigi ang dugo.

May sapat pang panahon
upang malagasan ng buhok
at mahulugan mula sa mga bulsa
ng mga susi at mga barya.

Nakapaloob pa rin sila sa saklaw ng hangin,
nakapaloob sa bruhula ng mga lugar
na kabubukas pa lang ngayon.
    Dalawang bagay lang ang magagawa ko para sa kanila—
ilarawan ang huling paglalakbay na ito
at huwag nang magdagdag ng huling linya.

*Burador ng aking salin ng salin nina Clare Cavanagh at Stanislaw Baranczk ng tula ni Wislawa Szymborska

about "its Motors in service"

The hybrid work "its Motors in service" uses as source text the transcription of two speeches delivered by an entity who projects himself as heir to the leadership of his parents, by employing empty words without action, as consequence of roughly imbibing the teachings of his parents. Machines humans dream of and visions machines imagine intervene the encoded articulation of the said entity. The words, upon the interruption of images, are then silenced, violated, sliced, devoured and regurgitated into a work against words spoken by an entity that does not work, and thus deserves to be phased out.

fellowship scoreboard

creative: 2, critical: 2 / maroon: 1, green: 2, yellow: 1
/ poetry: 2, prose: 3 / bacolod: 2, baguio: 2

originality, ownership

"I am an amalgamation of many things: books I've read, movies I've seen, television shows I've watched, conversations I've had, songs I've sung, lovers I've loved. In fact, I'm a creation of so many people and so many ideas, to the point where I feel I've actually had a few original thoughts and ideas; to think that what I consider to be 'mine' was 'original' would be blindingly egotistical." - excerpt transcribed from uncreative writing, re-framed as a blog entry. meanwhile, here's an amalgamation initiated by tekstong bopis, supported by machine language, constructed using building blocks from a note.