tulad ng naunang shorts (ang bobong pulitikal), hindi ko matunton ang pinagmulan ng siping ito, pero sinalin ko ito mula sa post ng page na the other 98%. ako na rin ang pumili niyang pamagat. sa isang banda, sumasakto ito sa akin, at maari ring sumakto sa iyo at, malamang na sumakto sa marami sa atin dahil malamang na maraming makaramdam ng "oo nga, no?" dami pang pasubali, eto ang malayang salin ko ng sabi ni bill hicks na idol ni maynard james keenan na idol ko:
"kung nais mong maunawaan ang lipunan, pagmasdan mong mabuti ang ginagamit nitong mga gamot. at anong ipinakikita nito hinggil sa (ating) kultura? tignan mo kung ano ang mga ginagamit nating mga 'gamot.' maliban sa mga lason mula sa botika, dalawang gamot lamang ang hindi bawal at kinukunsinti ng (ating) sibilisasyon. caffeine mula lunes hanggang biyernes para bigyan ka ng sapat na lakas para maging produktibo kang miyembro ng lipunan, at alcohol mula biyernes hanggang lunes para panatilihin kang masyadong tanga para matuklasan ang kalabosong kinaiiralan mo."
btw, nagsimula ang nakaraang linggo nang panget dahil may nagparamdam na hindi naman kailangan magparamdam, at may mga tanong na namang itinanong. tas kababasa ko lang, as in, ngayong umaga lang, etong mula sa thoughcatalog--tungkol sa mga bagay na hindi kailangan malaman at mga tanong ng nagsisimulang manunulat. nawa'y magkita tayo mamaya sa komikon. kunwaring magandang umaga.
Kuya Tilde, ang ganda nito. At ang ganda rin kung maging kanta ito. (Naisip ko lang.)
ReplyDeleteOo nga, ano? Magandang ideya. Tas, baka maganda rin iperform o samting! Matsala sa pagbisita.
Delete