Pagtalak at Pagpapatahimik: Kuro-kuro sa "Komedya" at sa Charlie Hebdo

(May disclaimer ako sa ibaba. Nasa ibaba dahil ayokong nasa itaas dahil baka makaantala sa mambabasa. Burador ito.)

Tunay ngang sandata ng walang kapangyarihan ang satire, pero nagagamit ito minsan ng mga makapangyarihan para lalong gipitin ang mga api [1]. Bilang dibuhista, muntik na rin akong mahulog sa bitag ng mabilis na pag-husga sa karahasan pero may nabasang nakapagpakunot-noo [2]. Mali ang pumatay. Dapat ipaglaban ang karapatan ng LAHAT sa pamamahayag. Walang debate rito. Kaso, sa aktwal, ang pagpatay sa mga gitnang-uring dibuhista at ang pagkundena rito ang tanging nabibigyan ng espasyo. Pinalalampas ang pagpatay sa mabababang-uring walang trabaho--sibilyan man o ang mga walang ibang pagpipilian kundi ang mag-armas tulad ng mga Muslim sa Pransya. Pero iba at mahaba pa itong usapin.

Ang punto: kalayaan sa pamamayahag ang anumang kritisismo tulad nitong aking isinulat at ng ginawa ng Charlie Hebdo [3]. Bukod sa bakit sila pinaslang, sino nga ba ang pumaslang sa kanila? Sino ang makikinabang? Ang aping mamamayang Muslim ba talaga? Mukhang hindi, lalo at hindi rin nila ito ginusto [4].

 

ni josel nicolas

bago dumating ang kambing

sa taong naghihingalong ito, 2014, ata pinakakaunti ang mga naipaskil kong update sa buhay. itinuturing ko itong tagumpay dahil pagbabawas ito ng pagbabahagi ng sarili, na tingin ko, mabuting disiplina sa panahong nalululong sa sarili ang lahat ng may kakayanang mag-ere ng sarili, sa henerasyong selfie ang validation ng existence. nabanggit ko sa social media account kong ayoko mag-account ng 2014 sa venue na iyon, pero sa venue na ito, mapagbibigyan naman siguro ako dahil hindi naman mapupunta rito ang mambabasa kung hindi niya ninais mapadpad dito.

ito ang huling dibuho ko sa taong ito. nabanggit ko na ito sa social media. na "ito na sana ang kailangang buwelo para matapos ang mga gawaing nakabinbin pa rin. may mga panahon ata talagang mas masayang gumawa ng hindi nakaplano at nauuna pa ito sa mga nasa to-do list. ayoko nang i-account dito, pero naging mabuti ang 2014. medyo mataas ang aasahan sa 2015, dahil taon ito ng mga kambing. ya know, goat, isa sa mga paboritong hayop. happy new year sa lahat. tribute kay fritz lang ang drawing." hayaan na ninyo akong mag-indulge. after ng pangungusap na ito ang accounting bago dumating ang kambing, isa sa paboritong hayop maliban sa matandang ulupong ng 2012:

Mga Salita* (Garcellano) ++

Mga Salita
malayang salin ni Tilde Acuna
ng tula ni Edel Garcellano

Ipinapalagay ng salita ang isang katahimikang
sa katunaya'y batbat ng mga salitang
nangangahulugan ng ganito & ng ganoon
& wala nang iba.
Oo, tila kinakapos ang lahat
sa totoong pag-uusap
dahil binibigo tayo ng mga salita.
Pero nalulunod tayo sa ilog ng mga salita
na tila kabulaanan ang binibigkas,
isang pagtataksil sa inaakalang kahulugan.
Walang kaligtasan sa pagwiwika ng mga salita--
Pero anong sandata ang gagamitin natin
laban sa mga naniniil & nananakal?
Nananakmal ang katahimikan
pero kailangang patuloy tayong lumikha ng salitang
babasag
sa makapal na salaming namamagitan sa atin.
Dakila ang tungkulin.
Balewala ang panulaan.

laban sa pandarambong

ha'yan na ang hagupit
ng uring haciendero:
matalinghagang tangke
ang panlaban sa Bagyo.

"splitting the atom" ++

from the college of fine arts, the CONDEMNED exhibit is now at hardin ng mga diwata of the college of arts and letters. if things go well, a print edition of our komix "Die Philosophen" (a slightly different version from the one that appeared in highchair 18: poetry comics issue) shall be available at BLTX VI (makiki-squat ata ako sa may bandang Cabinet). following* "Nang Mag-agaw-dilim ang mga Kabataang Mangangaso sa Majayjay" of Factsheet 6, is my contribution to Fact Sheet 7 / Down the Drain: The Wasted State of Human Rights under the Aquino Regime, "Splitting the Atom," which is about the illegal detention case of physicist, environmentalist, activist, professor Kim Gargar:

let us brace ourselves for Hagupit and bear with the crap that is the Aquino regime, so we have enough strength for vigilance and for mass action. taas kamaong solidarity sa panawagan para sa climate justice at para sa karapatang pantao!

CONDEMNED installation

list of participating artists
[SOS statement of CONTEND-UP]
 [save our schools page link]

 poster, channeling david mazzucchelli

 detail of "blackout / video home studies"

and of "whiteout / bandage solutions"

by yours truly

w artworx from jose ardivilla / mitzi reyes / romanlito austria / ninel constantino / rita gudiño / ruben de jesus /  marc san valentin / leonilo doloricon / cesar hernando / jamel obnamia / manolo sicat / tilde acuña / august patacsil / brisa dominguez / mich barcenas / kean barrameda / deo cuerdo / patricia non / nat dagmang / janine dimaranan, exhibit runs until november 28

laki sa layaw ng luisita

 
nasa salungguhit espasyo ng bulatlat ang [spoiled brat of luisita]. nasa manilatoday ang [tampalasan]g unang nanalasa [rito]. nasa pwesto pa rin si noynoy at nasa pamilya niya pa rin ang luisita. nasa proseso pa rin ang maraming bagay, tulad ng nappipintong exhibit ng contend sa parating na linggo. abangan. nasaan ka na? nasa hellhole pa rin ako dahil baon sa utang na trabaho, gawain, atbp kaya kbye

unang linggo, nobyembre 2014

"nagbabanta ang day of the deadlines. salamat baguio, sa maraming layers ng inspiration shit. hellow at pakyu, metro manila, pumapatay ka ng panaginip. magandang gabi."

"'Estratehiyang praktikal ang pagdarasal, ang pagkamit ng pansamantalang bentahe sa mga pamilihang kapital ng Kasalanan at Kapatawaran.' - Don Delillo (pasintabi, sala ko ang salin mula sa orihinal na Ingles)"

ito na ata ang dalawa sa apat na ipinaskil kong status messages sa nakaraang linggo, ang una ng nobyembre. mukang nakakapagbawas na ako ng foot prints sa cyberspace, pero wala, nagdagdag na naman ako nitong panibagong entry. palaging nakakaulul ang pangangailangang makipagusap sa wala, tulad mo, dahil wala ka naman. iiral ka lang kung tutugon ka rito, paguusapan natin ang pagiging wala mo. sa pagkakataong iyon, iiral (exist) ka na. weird mo.

pivotal, na naman, palagi na lang. may pivotal na namang naganap nitong katatapos na weekend. may nagtatahi sa gabi ng mga pagtatanghal upang alalahanin ang masaker (hlmx) at sa relaunch ng alamat ng panget. may tumawid sa una, patungo sa huli, mula maskom tungong morato, at nakadagdag sa pagiging buhay ko (alive and fvcking killing) ang naturang problema. nakadagdag sa pagiging buhay, dahil suliranin ang naturang problemang dapat lutasin. pasasalamat sa mga kaibigang nagpahayag ng kahandaan sa pagtulong.

tatapusin ko ang cryptic sharing ng saloobin sa pag-iiwan ng 1) tulang ito, ambag sa patimpalak ng km64, at sa kampanya para sa katarungan; at 2) ng photo caption na may iba't ibang suson o antas ng kahulugan:

meron akong ANO? meron akong [alamat ng panget at iba pang] kwento

Tampalasan (pasintabi, Zagajewski)

Tampalasan
pasintabi kay Adam Zagajewski

Kami ang mga tampalasan.
Niyayanig namin kayo sa inyong mga palasyo.
Dinadaga ang dibdib ninyo sa pag-aabang sa amin.
Pinupuna ninyo ang aming mga wika:
wari binubuo lamang ito ng mga katinig,
ng mga kaluskos, ng bulong at ng panggatong.
Nanirahan kami sa bundok at naging skwater sa lungsod.
Kinatatakutan kami ng mga konyong umiinom ng milktea,
nananalig kami sa mga -ismo at kumakapit sa patalim
na hindi nila mauunawaan, ni masasalat, kailanman.
Pero dinadalaw rin kami ng pangungulila
at pangamba, at nag-aasam ng tula.

found objects, "nonwork"

here are objects i found, never authored, their fault, their doing, never mine. also inviting people to the colloquium, postponed, originally scheduled last sept 20, but will push through tomorrow, same venue, same program. will talk about nihil vers and "nonworks," ie, erasures. see the abstract and other related links [here]. salamat!