defragmentation [ii]

[Naririto] ang unang defragmentation at ang mala-paunang salita at mga katulad na piyesang nagtagpi-tagpi ng mga lyrcs ng mga kanta. AT isa pa palang sa tingin ko ay medyo kawangis na species ang mga piyesang tinipon ni Prof. Dennis Aguinalo rito sa GAGAYYEM: Mga tulang pinagtagni-tagni mula sa 59 obra at isang excuse slip ng mga estudyanteng UPLB na tumugon, kamakailan, sa kamatayan nina Ray Bernard, Given Grace, at Rochel "Cesil," bukod pa sa Instead of ni Karize Michella Uy. Ilang sipi nito ang makikita sa The Cabinet: [dito], [dito] at [dito]. Yan. Assemblage galore.

Salusalungat na Piraso

Dugong humalo sa dugo, laman laban

sa patalim [01]; di alam kung saan

nanggaling, di alam kung saan

patungo [02]. Ipaskil ang dalangin

sa pisara ng hangin [03]: mga lumang

hinaing sa relasyong inumit [04],

mga nasabi nang masasakit na salita [05];

kaluskos ng dahon, huni ng ibon, malayo

sa dilim ng kahapong [06] puro kwento, walang

istorya [07]; katulad sa segundo ng aking relong

mabilis tumakbo [08], ang alay mo'y nilisan na

ng panahon [09]. Minsan lang umulan [10],

di magpakailanman; kung sakaling dumating

ang sandaling [11] nakakasulaksok, nakaririmarim

nakapanghihilakbot, nakakasuklam [12] dala

ng kalbaryong buhat mo [13], lumikas

sa dilim, sa walang hanggang gabi [14].

[01] "Tulisan" - Wolfgang

[02] "Ang Bayan Kong Sinilangan" - Asin

[03] "Bihag" - Imago

[04] "Hanggat Maari" - Einstein Chakras

[05] "Hiling" - Paramita

[06] "Gabay" - Siakol

[07] "Galit sa Mundo" - Teeth

[08] "Parehong Lagi" - The Wuds

[09] "Alay sa mga Nagkamalay Noong Dekada Nobenta" - Dicta License

[10] "Tikmanangulan" - Razorback

[11] "Huling Hiling" - PAN

[12] "Tsong (Boypren Mo Pokpok)" - Giniling Festival

[13] "Luha" - Kapatid

[14] "Harapin ang Liwanag" - The Dawn