manic monday intermission as public service announcement

interrupting the mechanical manic monday scheduled posts to commemorate national heroes day w the heroes of the kompre group that isn't really kompre[hensive] when it comes to analysis

end of message, moloch post postponed til after 12mn

Monocultural Manic Monday Mechanicality III

generic post: ngayong araw, muling napatunayang tulad ng napatunayan at mapapatunayan sa mga susunod pang mga araw  na nais, fetish, kaligayahan ng mga utak-makina at ahente ng makinang umiiral ang panghahawa (kahit contagious na nga ito kahit hindi tahasang manghawa) sa lahat ng tao ng pagiging makina nila. sa ganang akin, at sa relasyon sa ganitong kairalang nagaganap sa loob ng mapagpanggap na bastion of democracy, ang akademya, gagawin ko na ring mekanikal ang paglabas ng mga piyesang nabuo sa ngayo'y tuluyan nang naging mekanikal na ring espasyo. makina ang manggagawa. dapat sumunod sa batas. may takdang oras. takdang anumang shit. dapat ipatupad ng manager ang mga batas. pero hindi nangangahulugang dapat din silang sumunod dito. sa kasamaang palad, napapaligiran ka ng mga ganitong magugulang na nilalang. pakikibaka na ata ang pagpapanatili ng bait, pero hindi sapat ang ganitong tipo ng pakikibakang maintenance shit lang ng sanity. anyway, scheduled ang mga post ng blog entries. kung nakapagpost ako rito, hindi nangangahulugang nag-online ako, dahil naka-iskedyul nga ang mga post (kaya walang tampo mode pag hindi ako nakatugon sa email pero nakapag-blog ako, ganyan, anyway, eto na da list!):

[X] "Agrobiodiversity and Monoculture Homogenization in Agri/Culture" (UP Forum, 2011). [X] "The Fight for Education as Dress Rehearsal" (UP Forum, 2011). [X] "Community Sterilization and the Cataclysm" (UP Forum, 2012). [X] "Pamana at Pagkalinga ng mga Inang Makabayan" (UP Forum, 2012). [X] "Beyond the Bark: Reexamining our Roots" (UP Forum, 2012).  [X] "Enabling Law Disabling 'Small Dictatorships'" (UP Forum, 2013). [--] "Power Switch: Reconsidering Renewable Energy" (UP Forum, 2013). "Fortun, Forensics and the Yolanda Aftermath: Recovery, Storage, System Restore, Repeat" (UP Forum, 2014). "General Education at Globalisasyon: Isip, Salita at Gawa Para Kanino?" (UP Forum, 2014)

magbabago ang listahan sa bawat post. simulan na natin.

Enabling Law Disabling ‘Small Dictatorships’

yet another UPCAT season

nais kong magdagdag sa naispatang [listahan] ng 11 na pinakakalunus-lunos na katotohanan ng UPCAT o University of the Philippines College Admission Test. ika-12: kahit lumusot ka, baka hindi ka pa rin makapasok dahil matindi maningil ng matrikula ang UP. malala pa sa private school. mas mahal pa ata sa USTe.

ang makasagot ng sumusunod na tanong (leakage sa UPCAT c/o Prop. Andrada via [fb post]) nang komprehensibo, papasa ng UPCAT at gagraduate nang marangal at mahusay at tunay palaban makabayan at iskolarli na iskolar ng bayan (meron kasing mga hindi scholarly, yung maraming kacheapang nalalaman, scum ng sanlibutan):

MATH: Kung minimum wage earner ang mga magulang mo pero nalagay ka sa Bracket A at 15 units ang load mo at may miscellaneous fees pa, gastos sa xerox, pagkain, load, pamasahe, dorm, internet, tawas, at may iba ka pang kapatid na nag-aaral, magkano ang katinuan?
LANGUAGE: Bakit sinabihan ni Rizal ang CHED at gobyernong Aquino na: "Ang hindi magmahal sa sariling wika daig pa ang sangsang ng malansang isda?"
LOGICAL REASONING: Matapos ang 27 games, nakapanalo ng isa sa men's basketbol. Bonfire sa Sunken, hindi lang aprubado kundi dinaluhan pa ng Tsanselor Tan at President Pascual. Matapos ang mahabang panahon ng pagtatago ng berdugo at ulo ng pandurukot at pamamaslang na si Palparan, at hanggang ngayon ay nawawala pa rin ang UP students na sina Karen Empeno at Sherlyn Cadapan, saan nakakuha ng antropolohikal na apog at kapal ng mukha ng neanderthal si Tsanselor Tan para ipatigil ang Bonfire for Justice sa Sunken?
READING COMPREHENSION: Sa kantang UP Naming Mahal, buti pa ang bulwagan, may dangal.

nais ko namang balikan ang graduating self kong galit sa mundo. may ipinost din ako sa lumang blog noong Agosto 2010, mga panahong pinapakshet din ako ng mga pakshet sa pamantasan, baka kaya ganito ang naisulat ng aking angry youthful self (unedited, pagbigyan ang nakababatang self ko, ok?):

"A Friendly Reminder to UPCAT takers and an ROTC commentary"

GO HOME na lang. Alright?

Ang mga Uwak*

Sa kabilang ibayo ng itim na sulok nag-aapura ang mga uwak
Sa katanghalian kalakip ang gumagaralgal na uha.
Tinatangay ang anino nilang lumalampas sa ina ng mga usa
At minsan may nakakakita sa pamamahinga nilang mapanglaw.

Kung papaano nilang nagagambala ang kayumangging katahimikan
Kung saan namamalikmata ang inararong bukid
Tulad ng isang binibining nagagayuma ng matinding salagimsim,
At minsan may nakaririnig sa kanilang pagtutunggali

Sa ibayo ng ilang salot na naaamoy kung saan;
Biglaan silang lilipad patungong hilaga
At unti-unting mauubos tulad ng prusisyon ng patay
Sa alapaap na nangangatal sa kagalakan.

*aking malayang salin ng tula ni Georg Trakl

setyembre oktubre triple

langyang plug lamang: may news release pagkatapos ng cut. bale, tulad ng nabanggit [noon], may lumabas akong piyesa sa Transfiksyon:Mga Kathang In-transit at Like/Unlike:Kuwentong Facebook Status at Politika ng Agam-agam. ilulunsad ito sa ika-11 ng Setyembre, sa Maskom UP Diliman. sa susunod na buwan na pala ito. halos isambuwan after ng lunsad-aklat na ito, mayroon namang Ani tomo 38 sa ika-15 ng Oktubre sa CCP. may ilan pang inaantay pero ipapatalastas na lamang kung naririyan na. sa ngayon, (1) nonfic, (1) fiction, (1) tula munang may aparisyon sa separate na mga publikasyon. hanggang dito muna. salamat.

Takbo ng Kaayusan

Takbo ng Kaayusan
malayang salin ni Tilde Acuna
ng tula ni Lena Khalaf Tuffaha

"Tinatawagan nila kami ngayon.
Bago nila ilaglag ang mga bomba.
Kumuliling ang telepono
at isang nakakaalam ng palayaw ko
ang tumawag at nagwika sa perpektong Arabe
"Si David ito."
Sa pagkagulantang ko sa mga sonikong dagundong at mga himig ng salaming nababasag
na nadudurog pa rin sa paligid ng aking isipan
inalala ko "May kakilala ba akong kung sinong David sa Gaza?"
Tinatawagan nila kami ngayon upang sabihing
Takbo na.

Monocultural Manic Monday Mechanicality II

generic post: ngayong araw, muling napatunayang tulad ng napatunayan at mapapatunayan sa mga susunod pang mga araw  na nais, fetish, kaligayahan ng mga utak-makina at ahente ng makinang umiiral ang panghahawa (kahit contagious na nga ito kahit hindi tahasang manghawa) sa lahat ng tao ng pagiging makina nila. sa ganang akin, at sa relasyon sa ganitong kairalang nagaganap sa loob ng mapagpanggap na bastion of democracy, ang akademya, gagawin ko na ring mekanikal ang paglabas ng mga piyesang nabuo sa ngayo'y tuluyan nang naging mekanikal na ring espasyo. makina ang manggagawa. dapat sumunod sa batas. may takdang oras. takdang anumang shit. dapat ipatupad ng manager ang mga batas. pero hindi nangangahulugang dapat din silang sumunod dito. sa kasamaang palad, napapaligiran ka ng mga ganitong magugulang na nilalang. pakikibaka na ata ang pagpapanatili ng bait, pero hindi sapat ang ganitong tipo ng pakikibakang maintenance shit lang ng sanity. anyway, scheduled ang mga post ng blog entries. kung nakapagpost ako rito, hindi nangangahulugang nag-online ako, dahil naka-iskedyul nga ang mga post (kaya walang tampo mode pag hindi ako nakatugon sa email pero nakapag-blog ako, ganyan, anyway, eto na da list!):


[X] "Agrobiodiversity and Monoculture Homogenization in Agri/Culture" (UP Forum, 2011). [X] "The Fight for Education as Dress Rehearsal" (UP Forum, 2011). [X] "Community Sterilization and the Cataclysm" (UP Forum, 2012). [X] "Pamana at Pagkalinga ng mga Inang Makabayan" (UP Forum, 2012). [X] "Beyond the Bark: Reexamining our Roots" (UP Forum, 2012).  [--] "Enabling Law Disabling 'Small Dictatorships'" (UP Forum, 2013). [--] "Power Switch: Reconsidering Renewable Energy" (UP Forum, 2013). "Fortun, Forensics and the Yolanda Aftermath: Recovery, Storage, System Restore, Repeat" (UP Forum, 2014). "General Education at Globalisasyon: Isip, Salita at Gawa Para Kanino?" (UP Forum, 2014)

magbabago ang listahan sa bawat post. simulan na natin.

Community Sterilization and the Cataclysm

Operation Pakawalang Tingga

*hindi ko direktang masipi ang salin sa ingles dahil tila may kaunting mga sabit, pero pasasalamat kay Rizzo at naging accessible ang napapanahong komentaryo ni Galeano hinggil sa pananalakay (hindi pa nga ata matatawag na "giyera" dahil hindi naman patas ang laban, ika nga ni Edel Garcellano somewhere sa Knife's Edge) ng Israel sa Palestine*

Operation Pakawalang Tingga (Galeano)
malayang salin ng [salin] ni Mary Rizzo
ng [artikulo] ni Eduardo Galeano

Upang mapawalang-sala nito ang sarili, lumilikha ang terorismo ng estado ng mga terorista: naghahasik ito ng matinding galit at gumagapas ng mga pangangatwiran.

Monocultural Manic Monday Mechanicality I

sa kasamaang palad hindi ko na matutupad ang [panata]. ngayong araw, muling napatunayang nais, fetish, kaligayahan ng mga utak-makina at ahente ng makinang umiiral ang panghahawa (kahit contagious na nga ito kahit hindi tahasang manghawa) sa lahat ng tao ng pagiging makina nila. sa ganang akin, at sa relasyon sa ganitong kairalang nagaganap sa loob ng mapagpanggap na bastion of democracy, ang akademya, gagawin ko na ring mekanikal ang paglabas ng mga piyesang nabuo sa ngayo'y tuluyan nang naging mekanikal na ring espasyo. makina ang manggagawa. dapat sumunod sa batas. may takdang oras. takdang anumang shit. dapat ipatupad ng manager ang mga batas. pero hindi nangangahulugang dapat din silang sumunod dito. sa kasamaang palad, napapaligiran ka ng mga ganitong magugulang na nilalang. pakikibaka na ata ang pagpapanatili ng bait, pero hindi sapat ang ganitong tipo ng pakikibakang maintenance shit lang ng sanity. anyway, scheduled ang mga post ng blog entries. kung nakapagpost ako rito, hindi nangangahulugang nag-online ako, dahil naka-iskedyul nga ang mga post (kaya walang tampo mode pag hindi ako nakatugon sa email pero nakapag-blog ako, ganyan, anyway, eto na da list!):

[X] "Agrobiodiversity and Monoculture Homogenization in Agri/Culture" (UP Forum, 2011). [X] "The Fight for Education as Dress Rehearsal" (UP Forum, 2011). [--] "Community Sterilization and the Cataclysm" (UP Forum, 2012). [X] "Pamana at Pagkalinga ng mga Inang Makabayan" (UP Forum, 2012). [X] "Beyond the Bark: Reexamining our Roots" (UP Forum, 2012).  [--] "Enabling Law Disabling 'Small Dictatorships'" (UP Forum, 2013). [--] "Power Switch: Reconsidering Renewable Energy" (UP Forum, 2013). "Fortun, Forensics and the Yolanda Aftermath: Recovery, Storage, System Restore, Repeat" (UP Forum, 2014). "General Education at Globalisasyon: Isip, Salita at Gawa Para Kanino?" (UP Forum, 2014)

magbabago ang listahan sa bawat post. simulan na natin.

Agrobiodiversity and Monoculture Homogenization in Agri/Culture

Panahon (na naman) ng Wika

Mas konserbatibo ang hamon sa sarili sa Buwan ng Wika ng taong ito, kumpara sa aking [pagtatangka noong una pang panahon]. Pagsasalin muna ang nais kong tuunan ng pansin, at sa tantsa, hindi ko kakayanin itong araw-arawin. [Noon], nahuli na akong nagsimula pero nagawa pang makahabol at dumoble triple mag-maraming piyesa sa isang araw, pero hindi na ito posible ngayon  Lingguhan na lang siguro? Hindi. Minimum ng tatlo kada lingo. Tignan natin kung kakayanin. Dadayain ko rin ito. Baka mag-re-post ako ng mga artikulong nalathala sa UP Forum, dahil mukhang pahinga na muna ako sa pagsusulat sa publikasyon. Nagkataong ang huli kong artikulo, na malathala sana nang buo, ay tungkol sa globalisasyon edukasyon wika, ganyan. Tama na ang satsat, ito na ang una.

***

Pulitika at Panahon (mula sa “Sa Dibdib ng Dibdib ng Bayan”)

malayang salin ni Tilde ng piling sipi sa kwento ni William Gass

Para sa mga hindi umiibig may batas: ang maghari ... ang mag-areglo ... ang mag-wasto. Hindi ako makasusulat ng panulaan ng ganoong mga panukala, ang panulaan ng pulitika, pero minsan—madalas—ngayon parati—naroroon ako sa nakakabagabag na kapayapaan ng patas na kapangyarihang bumubuo sa Estado; tapos nakikipag-usap ako sa pamamagitan ng pagpapasa ng mga dokumento, mga proklamasyon, mga kautusang lumalagos sa aking bituka.